Uppákoma.....

Ég lenti í leiðinlegri uppákomu með strákinn á föstudaginn. Hann kom í bæinn og ég sótti hann. Hann var búinn að mæla sér mót við einhvern strák og ég vildi ekki bíða. Hann brjálaðist og gargaði og sparkaði ruslatunnu langa leið. Ég sagði honum að ég ætlaði að fara og hann réði hvort að hann kæmi með. Hann stóð fyrir utan bílinn og allt í einu fór hann að garga á tvo menn "hvað eruð þið að horfa á mig" svo rauk hann og réðist að öðrum manninum og ég á eftir honum. Ég náði að stoppa hann og fá hann með mér útí bíl og hann gerði sér lítið fyrir og hrækti á annan manninn á leiðinni út. Guð minn góður hvað mér fannst þetta erfitt, ég var farin að skjálfa. Mennirnir eltu okkur og kölluðu á eftir mér að ég ætti að fara með strákinn til geðlæknis hann væri greinilega eitthvað GEÐVEIKUR..... Hmmmmm jesú minn hvað ég varð reið, það kom allur tilfinningaskalinn. Ég gjörsamlega missti mig og argaði á mennina á móti að já hann væri búinn að vera á geðdeild og hefði verið útskrifaður og ekki af því að við hefðum viljað það og ef þeir hefðu eitthvað við það að segja þá gætu þeir haft samband við landspítalann...!! Svo strunsaði ég í burtu skjálfandi og langaði mest að fara bara að grenja.... En að sjálfsögðu leyfði ég mér það ekki.....

Athugasemdir

[Ragnheiður , 12.4.2011 kl. 05:50]

Ohhh

Ömurleg uppákoma...

knús á þig

[Valdís Skúladóttir, 19.4.2011 kl. 12:24]

Já  þetta  er sorglegt

En ég vona að þú og þínir eigið  gleðilega páska.